Besteiro a Rueda: "Pon paus nas rodas ás cidades e só cando rectifica acerta"

O candidato do PSdeG á presidencia da Xunta, José Ramón Gómez Besteiro, reivindicou o investimento socialista en Galicia e, en particular, nas cidades fronte a unha política de "paus nas rodas" que, ao seu xuízo, practica o PP e o presidente da Xunta, Alfonso Rueda. Fíxoo nun acto na avenida de Alfonso Molina, con motivo da adxudicación da obra de ampliación, coa alcaldesa da Coruña, Inés Rey.

"Nas grandes obras desta cidade está a pegada do PSOE e esta obra súmase a outras de impulso que o goberno socialista e Sánchez déronlle a esta cidade, case 500 millóns", sentenciou. Este investimento situouna no "traballo" dos socialistas "fronte á inoperancia" do PP. "Un Rueda que pon paus nas rodas ás cidades, que confronta", recalcou. Mentres, o candidato socialista á presidencia da Xunta dixo que o seu partido se preocupará por "ser útil, mentres outros falan doutras cousas que pouco lle interesan a galegos e galegas".

"Só cando rectifica este goberno do PP, acerta", sentenciou nun argumento utilizado, á súa vez, pola alcaldesa, ao ser cuestionada pola aceptación da declaración da cidade como mercado tensionado en materia de vivenda por parte da Xunta. "Celebramos a rectificación, son os únicos momentos en que acertan", indicou a rexedora quen manifestou que obras consideradas "históricas" pasan a ser unha actuación coa xestión socialista.

O candidato do PSdeG á Presidencia da Xunta, José Ramón Gómez Besteiro, e a alcaldesa da Coruña, Inés Rey. PSDEG