Por Europa Press / Redacción | VIGO | 05/12/2023 | Actualizada ás 11:42
Os dous tripulantes do pesqueiro vigués 'Lodairo', que o pasado 29 de novembro sufriron un accidente cando facían labores de mantemento a bordo, a unhas 100 millas das illas Hébridas de Escocia, permanecen hospitalizados no centro Queen Elisabeth de Glasgow, e evolucionan favorablemente.
Así o trasladou a armadora do barco, a viguesa Ancora, que confirmou que o responsable da empresa, Iván López Van der Veen continúa na cidade escocesa, acompañando aos familiares dos mariñeiros feridos, desde que ambos foron evacuados e ingresados na UCI dese hospital.
Tanto a armadora como as familias dos tripulantes expresaron a través dun comunicado a súa "gratitude" aos servizos de rescate de Reino Unido e ao persoal do hospital Western Isles de Stornowy (onde chegaron primeiro os feridos) e do Queen Elisabeth de Glasgow, particularmente aos profesionais das áreas de Coidados Intensivos e Traumatología.
"O seu trato exquisito cara aos familiares, respectando a súa intimidade, e o apoio recibido, están a ser fundamentais no proceso de recuperación, tanto dos propios tripulantes, como das súas familias", apuntou Iván López.
Ancora tamén quixo agradecer o "incrible" labor e tesón da tripulación do 'Lodairo' durante os primeiros auxilios prestados aos accidentados, xa que o seu grao de formación en materia sanitaria e o apoio recibido polo Centro Radiomédico de España permitiron estabilizar aos mariñeiros ata a chegada do helicóptero de rescate.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.