O prezo das autoestradas subirá ata un 4 % en 2024, por riba da suba do IPC e das pensións

A inflación calculada para o incremento das peaxes nas autoestradas para o próximo ano 2024 alcanza o 4,03 %, segundo confirmaron a Europa Press en fontes do sector do transporte. Trátase dun resultado obtido coa fórmula consensuada entre o Ministerio de Transportes e Mobilidade Sustentable e as empresas privadas e é superior ao 3,2 % de IPC interanual de novembro ou ao 3,8 % que subirán as pensións.

Non entanto, o Goberno terá que decidir agora se aplica toda a subida ou só unha parte, compensando ás empresas con outros mecanismos, ou mesmo se aplica unha subida maior para compensar a redución aplicada para 2023. Para este exercicio, a fórmula arroxaba un incremento do 8,4 % (nalgúns casos do 9,46 %), pero o Goberno decidiu limitala ao 4 % para paliar o efecto nos usuarios, e mesmo conxelala nas autoestradas xestionadas polo Estado. Por iso, o Ministerio reservou unha partida de 23,3 millóns de euros para compensar ás empresas por esa perda de ingresos.

Peaxe da AP-9 | Fonte: Youtube - Arquivo