Por Europa Press / Redacción | SANTIAGO DE COMPOSTELA | 16/12/2023 | Actualizada ás 13:58
O home detido por presuntamente apuñalar á súa parella no barrio compostelán de Os Concheiros foi enviado este sábado a prisión provisional tras pasar a noite no hospital por mor dunha indisposición sufrida nos xulgados de Fontiñas despois de pasar a disposición xudicial.
O home, segundo confirmaron a Europa Press fontes coñecedoras, sufriu unha indisposición en sede xudicial cando as autoridades se dispuñan a comunicarlle a decisión da xuíza do seu ingreso en prisión provisional polo ataque.
Como consecuencia, tivo que ser atendido por persoal sanitario e sedado, aínda que non se temía pola súa vida, para ser trasladado posteriormente ao Hospital Clínico. Alí permaneceu toda a noite en observación e custodiado por axentes de Policía e, unha vez recibiu o alta, remitiuse de novo aos xulgados para comunicarlle a decisión. Durante a mañá foi trasladado ao penal de Teixeiro.
Os feitos sucederon na madrugada deste xoves, cando, supostamente, o home apuñalou á súa parella no domicilio familiar do barrio de Concheiros, onde residen tamén o seu tres fillos. A muller saíu á rúa a pedir axuda e foi auxiliada por persoal do servizo de limpeza e dun establecemento próximo. O home foi detido no mesmo lugar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.