Aprobado o plan de acción 2024-2034 da Reserva da Biosfera dos Ancares Luceses
E Montes de Cervantes, Navia e Becerreá, xestionada pola institución provincial.
Por Europa Press / Redacción | SANTIAGO DE COMPOSTELA | 18/12/2023 | Actualizada ás 19:16
O deputado de Promoción Económica e Social da Deputación de Lugo, Pablo Rivera, presidiu este luns os órganos reitores das Reservas da Biosfera Os Ancares Lucenses, e Montes de Cervantes, Navia e Becerreá, xestionada pola institución provincial.
O encontro, que acolleu o Edificio Multiusos de Cervantes,serviu para facer balance das correspondentes actividades realizadas neste ano 2023 e abordar os proxectos de face o futuro que se van a impulsar neste espazo protexido pola Unesco.
Na reunión, Pablo Rivera informou o órgano participativo da proposta inicial do novo plan de xestión da Reserva para o período 2024-2034, que foi aprobado posteriormente polo órganorector. Este plan determinará as actuacións prioritarias nas que este espazo natural centrará o seu traballo durante o próximos dez anos e contará cun orzamento de fondos propios da Deputación dun total de 1,3 millóns para o período de vixencia.
O órgano participativo tamén aproveitou a sesión para instar á Xunta a que active o Plan de Conservación e Recuperación de especies.
