Persoal dos establecementos de cosmética Arenal convocan folga para o 23 de decembro e o 5 de xaneiro

As traballadoras dos establecementos de cosmética e perfumaría Arenal convocaron dúas xornadas de folga para o 23 de decembro e 5 de xaneiro, véspera de Noiteboa e o Día de Reis.

Así foi acordado en asembleas celebradas na Coruña, Santiago e Carballo por "ampla maioría", segundo recolle un comunicado remitido aos medios este xoves pola CIG.

As empregadas desta cadea xa realizaron paros o pasado 24 de novembro con motivo do Black Friday en demanda de melloras salariais e de condicións laborais.

Arenal