A Xunta concede o V Premio CGAC de Investigación e Ensaio ao historiador e documentalista Aitor Hernández Marcos
Por E.P. | SANTIAGO DE COMPOSTELA | 01/01/2024 | Actualizada ás 19:17
A Xunta concedeu o V Premio CGAC de investigación e ensaio a Aitor Hernández Marcos polo traballo 'A escola da noite', que obtivo a máxima puntuación por parte xurado nomeado para o efecto. O Diario Oficial de Galicia vén de publicar a resolución deste galardón, dotado con 3.000 euros.
A decisión foi adoptada por unanimidade polo xurado presidido polo director do Centro Galego de Arte Contemporánea (CGAC), Santiago Olmo, e integrado pola escritora e ensaísta Rebeca Baceiredo Pérez e os profesores Almudena Fernández Fariña e Juan Manuel Monterroso Montero.
Todos eles destacaron a orixinalidade do texto presentado por Hernández Marcos, quen, en palabras do xurado, nas páxinas do seu ensaio "consegue debuxar unha suxestiva e cativadora biografía intelectual balizada por multitude de referencias de ámbitos como a filosofía, o cinema ou a literatura universal".
