O centro da Xunta para loitar contra as epidemias anunciado hai dous anos botará a andar en 2024
Así o confirmou o presidente da Xunta
Por Europa Press / Redacción | SANTIAGO DE COMPOSTELA | 18/01/2024 | Actualizada ás 15:24
O Centro Galego de Control e Prevención de Enfermidades, que permitirá ao Servizo Galego de Saúde (Sergas) "anticiparse a epidemias ou a problemas de saúde pública relevantes", estará en funcionamento no primeiro semestre de 2024. Este centro foi anunciado por Feijóo hai dous anos.
Así o avanzou o presidente da Xunta, Alfonso Rueda, na súa comparecencia posterior á reunión do Goberno galego que aprobou a creación desta institución que contribuirá a ter un "novo modelo de vixilancia epidemiolóxica" en Galicia.
Este centro terá múltiples funcións, como de asesoría e coordinación das estratexias de saúde pública, pero tamén analizará datos de augas residuais e as vendas de determinados medicamentos --a través dunha "rede de farmacias sentinela"-- para tentar previr episodios epidemiolóxicos entre a poboación.
