En estado grave o novo triatleta pontevedrés Lucas García tras un accidente
Ocorreu ao chocar contra un coche mentres adestraba coa súa bicicleta.
Por Europa Press / Redacción | SANTIAGO DE COMPOSTELA | 20/01/2024 | Actualizada ás 13:25
O triatleta pontevedrés Lucas García Picón atópase en estado grave tras un accidente cando adestraba, segundo informaron fontes próximas ao caso consultadas por Europa Press.
Os feitos producíronse o xoves cando adestraba, xunto con outros compañeiros, coa súa bicicleta pola estrada, no municipio pontevedrés de Barro. O mozo, de 17 anos, chocou contra un coche. Tras o sucedido, foi trasladado ao Hospital Clínico de Santiago dadas as lesións que presentaba, entre elas varias fracturas e un traumatismo cranioencefálico.
Fontes próximas ao caso consultadas por Europa Press indicaron que desde o seu ingreso o mozo continúa en estado grave, á espera da súa evolución.
