Denuncian unha lesión muscular provocada polo "mal estado" dos equipos de radioloxía do hospital de Santiago
Por Europa Press / Redacción | SANTIAGO DE COMPOSTELA | 23/01/2024 | Actualizada ás 10:38
O sindicato Comisións Obreiras (CC.OO.) denunciou un novo accidente laboral provocado, ao seu xuízo, polo "mal estado" dos equipos de radioloxía do Hospital Clínico de Santiago de Compostela.
En concreto, a organización lamentou que estes aparellos causaron unha lesión muscular a un dos traballadores polas dificultades de manexar estes aparellos "obsoletos".
Ademais, CC.OO. insistiu nas recorrentes avarías técnicas dos equipos, polo que "toda a semana pasada estivo pechada a sala de filtro de urxencias", obrigando a suspender citas programadas para poder atender as urxencias.
O sindicato lembrou que hai case un ano os responsables da área Sanitaria comprometéronse a renovar as máquinas, pero "nada se sabe respecto diso". Así, insta a acometer canto antes esta renovación.
