Buscan con drones a un ancián desaparecido en Ponteceso desde este xoves

O equipo de apoio loxístico do Centro Integrado de Emerxencias 112 Galicia busca con drones a un home de avanzada idade que desapareceu no municipio coruñés de Ponteceso este xoves.

Os familiares do home botárono en falta durante a mañá deste xoves e a partir das 12,30 horas arrincou o operativo de procura, que se centra na parroquia do Couto. No dispositivo participan tamén a Garda Civil, o GES de Ponteceso e Protección Civil.

Drones da AXEGA participan no operativo de procura dun desaparecido | Fonte: 112 GALICIA