Avogados da quenda de oficio convocaron unha manifestación en Santiago este venres
Estes avogados piden a "dignificación e defensa deste servizo público a través do recoñecemento de dereitos laborais" a estes profesionais.
Por E.P. | SANTIAGO DE COMPOSTELA | 14/02/2024 | Actualizada ás 18:19
O Sindicato de Avogados e Procuradore Venia Advocatum Unio e a Plataforma Marea Negra Galicia manifestaranse este venres, 16 de febreiro, en Santiago en defensa da quenda de oficio e polo dereito a unhas xubilacións dignas.
Esta manifestación partirá ás 11,30 horas da rúa do Hórreo, onde se sitúa o Parlamento galego, e percorrerá as rúas de Santiago. Celebrarase en plena campaña das eleccións galegas e a dous días dos comicios do 18 de febreiro.
Estes avogados piden a "dignificación e defensa deste servizo público a través do recoñecemento de dereitos laborais" a estes profesionais.
Tamén reclaman "a activación dunha pasarela ao Reta de forma inmediata para todos aqueles profesionais atrapados nas mutualidades de avogacía e procura que, se ninguén o remedia, verán como, tras cotizar toda a súa vida laboral, percibirán pensións inferiores á contía dunha prestación non contributiva".
