Catro feridos na saída de vía dun coche en Toén

Catro persoas resultaron feridas na saída de vía dun coche cando circulaba pola autovía A-52 ao seu paso polo municipio ourensán de Toén. O accidente produciuse ás 13,00 horas deste martes á altura de Feá, segundo trasladou o CIAE 112 Galicia, que tivo constancia do accidente pola chamada dunha das persoas implicadas no sinistro.

Ata a zona mobilizáronse efectivos de emerxencias, que non tiveron que empregar material de excarceración para liberar aos ocupantes do coche. Finalmente, tres dos viaxeiros do vehículo accidentado foron evacuados en ambulancia a un centro sanitario.

Accidente laboral.. 112 GALICIA