Cortada a circulación do tren León-Vigo tras o atropelo de tres vacas que estaban na vía

Un tren de mercadorías sufriu danos a última hora deste martes tras atropelar a tres vacas mentres circulaba polo municipio coruñés de Oza-Cesuras.

En concreto, o suceso tivo lugar sobre as 20,00 horas na parroquia de Mondoi, onde un tren que cubría a ruta León-Vigo atropelou aos animais, que se atopaban nas vías. Desde o 112 Galicia informouse os axentes da Garda Civil e ao persoal de ADIF, que se encargou de retirar os restos dos animais e, cara á medianoite, informaban o restablecemento da circulación no punto. Ademais, foron informados os Bombeiros de Betanzos e o GES de Curtis.

Varias vacas pastan xunto a un aeroxerador eólico no Parque eólico de Montouto, da Serra do Xistral | Fonte: Europa Press - Arquivo