O 'Carné Xove' ofrece descontos nun servizo de repartición de comida a domicilio

O 'Carné Xove' da Xunta incorporou a 'ObviousEat', un servizo de repartición de comida a domicilio que en Santiago e arredores traballa con preto de 70 restaurantes asociados. A directora xeral de Xuventude, Participación e Voluntariado, Cristina Pichel, asinou cos responsables deste negocio a adhesión ao programa e sen custo algún para a Administración autonómica.

Segundo informou a Xunta, a partir da próxima semana aplicarán un desconto do 10% sobre todos os pedidos realizados mediante 'ObviousEat', tanto na aplicación móbil como na páxina web para calquera restaurante adherido á plataforma.

A oferta é válida para todos os días da semana para todas as persoas titulares do 'Carné Xove' que realicen un pedido mediante as canles dixitais da plataforma, xa sexa para entrega a domicilio ou para recoller no local.

Para beneficiarse do desconto é necesario descargar o código que hai que introducir na web do servizo de repartición no momento de realizar o pedido, seguindo as indicacións da páxina web do 'Carné Xove'.

Carné Xove