Trasladado un ciclista ferido tras sufrir unha caída en Ponteceso
O suceso produciuse pouco despois das 15,30 horas.
Por Europa Press / Redacción | SANTIAGO DE COMPOSTELA | 10/04/2024 | Actualizada ás 20:22
Un ciclista foi trasladado en ambulancia a un centro hospitalario tras sufrir unha caída na tarde deste mércores cando circulaba pola localidade coruñesa de Ponteceso. O suceso ocorreu pouco despois das 15,30 horas, cando un particular contactou co 112 Galicia e indicou que o implicado caera cando pedaleaba pola estrada á altura da praza do Recheo, na parroquia de Cospindo, e feriuse na cabeza.
Inmediatamente, os xestores do CIAE-112 Galicia pediron a intervención de Urxencias Sanitarias de Galicia-061, do GES e dos voluntarios de Protección Civil de Ponteceso e da Garda Civil de Tráfico.
Así, o persoal sanitario atendeu e trasladou ao ferido a bordo dunha ambulancia ao centro hospitalario de referencia.
