A Federación Galega da Construción alerta de "a gravidade" da paralización de parques eólicos para o sector
Considera que se está "ante unha oportunidade perdida para Galicia no ámbito industrial e enerxético".
Por Europa Press / Redacción | SANTIAGO DE COMPOSTELA | 15/04/2024 | Actualizada ás 14:32
A Federación Galega da Construción alertou de "a gravidade" da paralización de parques eólicos "tanto para Galicia como para a industria" deste sector. Nun comunicado, a patronal mostra a súa preocupación ao considerar que se está "ante unha oportunidade perdida para Galicia no ámbito industrial e enerxético".
"Respectamos calquera decisión xudicial pero non a compartimos polo impacto negativo que provoca a perda de investimentos millonarios para Galicia e para a industria da construción", sostén nun comunicado. Ademais, fai fincapé "nos prexuízos económicos que provoca a paralización de proxectos eólicos en fase de execución posto que as empresas xa incorreron en gastos para a posta en marcha dos mesmos".
Desde a Federación, apuntan á repercusión no emprego e remarcan que as empresas da construción e sectores afíns "figuran entre os sistemas produtivos que máis riqueza xeran en Galicia".
