Case a metate dos accidentes máis graves de Galicia se producen nas estradas da provincia da Coruña
As persoas falecidas nas estradas coruñesas elévanse a 15 no que vai de ano, oito máis que en 2023.
Por Europa Press / Redacción | A CORUÑA | 16/04/2024 | Actualizada ás 19:26
As persoas falecidas nas estradas coruñesas elévanse a 15 no que vai de ano, segundo expuxo a subdelegada do Goberno na Coruña, María Rivas, que fixo un chamamento a "non baixar a garda ao volante" despois de que o ano pasado, por estas datas, a cifra fóra de sete. Estes datos achegounos durante a presentación da campaña que a Dirección Xeral de Tráfico leva a cabo ata o domingo 21 de abril para controlar a velocidade.
Especialmente, incidirá nas estradas convencionais, as que dispoñen dun só carril en cada sentido, e nas vías urbanas da comunidade autónoma galega.
"Case a metade dos accidentes máis graves e as vítimas de Galicia se producen en estradas da provincia da Coruña, datos moi preocupantes que evidencian que nos estamos relaxando e pagando con vidas nas estradas", engade.
