Ignacio Melero e Arkaitz Carracedo, Premios Ramiro Carregal de Investigación Oncolóxica 2024
Por E.P. | SANTIAGO DE COMPOSTELA | 29/04/2024 | Actualizada ás 12:27
O xurado do Premio Internacional de Investigación Oncolóxica, Científica e Técnica Ramiro Carregal deu a coñecer os nomes dos premiados na última edición. O gañador do XII Premio Internacional, dotado con 30.000 euros, é o doutor Ignacio Melero, codirector do Servizo de Inmunología e Inmunoterapia da Clínica Universitaria de Navarra e catedrático de Inmunología da Universidade de Navarra.
Mentres, o V Premio a Talentos Emerxentes (dotado con 10.000 euros) recaeu en Arkaitz Carracedo, xefe de grupo no centro de cancro CIBERONC, profesor de investigación Ikerbasque en CIC bioGUNE e profesor asociado da Universidade do País Vasco.
O doutor Melero está considerado como o máximo representante español en inmunoterapia do cancro mentres que o profesor Carracedo encabezou iniciativas innovadoras de alta repercusión na investigación en cancro. Ambos os premiados recollerán o seu galardón nun acto que terá lugar en Santiago de Compostela o próximo 29 de maio.
