Asaga denuncia baixadas "inxustificadas" na renovación de contratos lácteos

A Asociación Agraria de Galicia (Asaga) denuncia baixadas "inxustificadas" por parte da industria láctea de entre catro e seis céntimos por litro na renovación de contratos lácteos.

Nun comunicado, alerta de prácticas "pouco ortodoxas" destas industrias compradoras de leites na renovación dos contratos con dous meses de antelación ao que obriga a lexislación, que inclúen rebaixas "inxustificadas".

Para Asaga "non existe ningunha razón obxectiva" para esta baixada de prezos, o que supón "un esperpento e un abuso de posición dominante". E é que expón que os prezos para o consumidor mantéñense nos lineais e nos mercados mundiais mesmo van á alza. Todo iso mentres os gandeiros galegos perciben desde hai ano menos polo litro de leite que a media española.

Por tal motivo, Asaga insta as industrias do sector lácteo a retirar as ofertas presentadas e pide ás administracións a convocar ás partes para analizar a situación e evitar que se produzan estes recortes de prezos.

Vacas leiteiras | Fonte: Álvaro Ballesteros - Europa Press