A Deputación da Coruña presenta 'Espazos Sonoros', un "diálogo entre música e patrimonio"
"Trátase dunha cita imprescindible no panorama musical do país, que é xa un referente na música antiga e que pon en valor a música e o patrimonio", apuntou o deputado provincial de Patrimonio, Xosé Penas, xunto á directora artística do festival, Belén Bermejo
Por E.P. | A CORUÑA | 06/08/2024 | Actualizada ás 18:37
A Deputación da Coruña presentou este martes unha nova edición de 'Espazos Sonoros', un festival que percorrerá entre o 1 e o 28 de setembro diversos lugares da provincia e que promove "o diálogo entre a música e o patrimonio".
O mesmo desenvolverase en zonas como a igrexa de Santiago e as Torres de Mens, en Malpica; a ría de Ferrol; as Terras de Iria; o geoparque Cabo Ortegal; o Teatro de Beneficiencia de Ortigueira, a contorna de Baroña e o bordo portuario de Porto do Son.
"Trátase dunha cita imprescindible no panorama musical do país, que é xa un referente na música antiga e que pon en valor a música e o patrimonio", apuntou o deputado provincial de Patrimonio, Xosé Penas, xunto á directora artística do festival, Belén Bermejo.
O cartel deste ano, como noutras edicións, combina proxectos de experimentadas formacións galegas con figuras convidadas de ámbito internacional. Entre outros participarán o conxunto A Grande Chapelle, o Ensemble Phaedrus, A Moresca ou o Concert Lle Phénix.
