Temas: BNG EN MAREA AGE JORQUERA

O BNG acusa á Marea de facer a pinza co PP en Pontevedra

“Marea de Pontevedra tenta minar, xunto co PP, un goberno que é referente en Galicia”, di Francisco Jorquera. AGE di que o BNG “é libre” de decidir se se soma a En Marea ou non nas autonómicas.

Por Galicia Confidencial | Compostela | 03/02/2016 | Actualizada ás 08:30

As diferencias entre o BNG e as mareas non fan máis que afondarse. E iso, que polo medio, aínda aínda hai quen fala de confluencia. Desta volta foi o portavoz do BNG no Parlamento galego, Francisco Jorquera, quen botou un pouco máis de leña nese lume que está lonxe de apagarse e acusou á Marea de facer a pinza co PP en Pontevedra.

“A Marea en Pontevedra tenta minar, xunto co PP, a un goberno que é referente en Galicia", dixo en declaracións na Cámara galega. E puxo como exemplo a oposición construtiva que practica o BNG en cidades como A Coruña ou Santiago, onde os gobernos municipais están encabezados por Marea Atlántica e Compostela Aberta, respectivamente. "Quen ten posicións agresivas no ámbito municipal non é o BNG precisamente", afirmou.

Por outra banda, a deputada de AGE Eva Solla, preguntada pola posibilidade de que o BNG se some a En Marea nunha candidatura para as autonómicas, afirmou que esa formación é "libre de decidir o que queira". "O BNG é soberano e terán que decidir o seu posicionamento", reiterou Solla, que lembrou que a formación nacionalista está a debater nestes días e non lle compete a AGE nin a outras organizacións pronunciarse sobre o que decidan.

Temas: BNG EN MAREA AGE JORQUERA

4 Atlantico

E esta foto ten algo que ver co titular? Piden amparo ao Constitucional pola actitude da Marea en Pontevedra? É preciso axustarse á realidade dos feitos e expoñer a noticia do xeito máis obxectivo posible e non engadir unha foto de hai case un ano e relacionado co comportamento do PP no Parlamento Galego. http://bng.gal/blog/2015/04/27/o-bn...

3 Cardar a la

Co tempo espero que saia a luz s verdadera faciana do grupo de Pontevedra. Son o partido mais brutal sin mancharse nunca nas cacicadas que deciden desde siempre no BNG Estrategia de partido, no urbano Pontevedra rural Allariz, espellos que non deben mancharse nas matanzas no BNG ainda que sexan os que cortan o bacallao

2 Parapensar

A pinza se lle está a facer desde unha elite determinada do benegá pontevedrés aos estatutos e reglamentos do propio BNG. Concelleiros e concelleiras que cuatriplican mandatos, que alternan varios cargos públicos e que queren facer cadrar o fin do seu ciclo político coa súa propia xubilación como funcionarios. Liberados eternos en plantel, boa relación cos empresarios da construcción (algúns da Operación Patos), fichaxes de xornalistas de dos de porta xiratoria e de tal xeito un modo de relacionarse coa prensa caciquil local tan no estilo do que facía Paco Vázquez, Fraga Iribarne ou ese Caballero vigués. Total que o resultado non é unha pinza. Non é outro que converterse na 5ª forza política da cidade nas pasadas eleccións. Superados até por Ciudadanos, despois dos 20 anos que Lores leva de poder municipal. Non farían mal algo, Jorquera?

1 ixtlan

O propio concepto de 'pinza' para defini-la actuación da Marea, en suposta concomitancia co PP, é un simple e puro disparate. Mágoa que o BNG caia nese discuso falaz que xa usara o PSOE da época de Anguita para descualificar e minar IU. Esa pretendida e rocambolesca parcería da Marea co PP deixa en evidencia non a Marea, senón a quen formula tan disparatada (e irreal) colaboración. Para conseguir colaboracións e aliados non se pode dilapidar a quen está máis preto de un.

1 Antinostrus

Pois que eu lembre, e desde sempre, os de IU-CCOO defenden a Morte a permanencia de Celulosa na súa ubicación actual...seica polos postos de traballo...os moi FilgueriaFascistóns.......se continúa a ser as, vale mais un Lores que as decenas de paniaguados das Mareas ou os ineptos da Dirección actual do BNG!!!!.........................