Expectación na praia coruñesa de Bens pola aparición dun lobo mariño

A praia coruñesa de Bens, na Coruña, tivo este xoves un visitante inesperado. Un pequeno lobo mariño gris apareceu no seu areal desorientado que foi, posteriormente, atendido pola Coordinadora para o Estudo dos Mamíferos Mariños (CEMMA).

O animal apareceu vivo, aínda que débil e está a recibir axuda do CEMMA, que acolleu ao animal e proporcionaralle os coidados necesarios. Polo momento, descoñécense as causas que fixeron que este animal acabara no areal coruñés.

A súa presenza causou gran expectación, con numerosos curiosos que quixeron observar a unha especie que de cando en cando se ve no litoral galego.