Grave accidente dun parapentista en Porto do Son
O home dicía que non sentía as pernas.
Por Europa Press / Redacción | SANTIAGO DE COMPOSTELA | 16/02/2025 | Actualizada ás 18:49
Un parapentista resultou ferido este domingo tras caer nunha leira no lugar de Cans, no concello coruñés de Porto do Son. En concreto, sufriu o accidente nunha zona aberta e próxima ao quilómetro 83 da AC-550.
Segundo informou o 112 Galicia, recibiron un aviso ao redor das 15,00 horas no que se alertaba dun accidente de parapente tras o que o deportista dicía "non sentir as pernas".
Deste xeito, mobilizouse unha ambulancia medicalizada pero, debido ás lesións, o accidentado foi evacuado en helicóptero con prognóstico reservado para recibir atención médica nun centro hospitalario.
Ata o lugar dos feitos tamén acudiu unha dotación do parque de bombeiros de Ribeira, integrantes do GES de Noia e unha patrulla da Garda Civil, ademais dos servizos sanitarios do 061.
