Anpas Galegas empregará "como única lingua" o galego e promoverá campañas polo idioma

A Confederación Anpas Galegas comprométese a empregar "como única lingua" o galego na súa actividade e na difusión de todo tipo de contidos, así como a promover campañas periódicas polo uso do idioma.

A entidade trasladou este "compromiso firme" ao nove federacións e case 500 asociacións de nais e pais que engloba. "Especialmente nós, como familias galegas, temos a responsabilidade de facer todo o posible para que a nosa lingua sexa a das nosas fillas e fillos", engade nun comunicado.

Anpas Galegas tamén anuncia que difundirá só contido, actividades e publicidade que estea en galego. Ademais, cando se reciba a documentación noutro idioma, solicitarase o uso do idioma propio de Galicia.

Xunto a todo iso, a confederación esixirá aos medios de comunicación "o respecto á lingua que utilicen" os seus representantes, "que sempre será o galego", nas transcricións escritas.

Presentación dun informe sobre dixitalización da escola e Edixgal.. ANPAS GALEGAS