A Renda 2024 arrinca o 2 de abril con novidades no pago e presentación
Pago por bizum e axudas pola DANA, xunto coas devolucións aos mutualistas, novidades desta Campaña.
Por Europa Press / Redacción | Santiago de Compostela | 30/03/2025 | Actualizada ás 11:12
A Campaña da Renda e Patrimonio 2024 comezará o 2 de abril coa presentación de declaracións por Internet, estendéndose ata o 30 de xuño. Os contribuíntes poden acceder desde xa aos seus datos fiscais a través da web e aplicación da Axencia Tributaria. A atención presencial iniciarase o 2 de xuño, con cita previa dende o 29 de maio.
Este ano, os pagos poderán realizarse por Bizum, ademais dos métodos tradicionais. Os autónomos e beneficiarios do Ingreso Mínimo Vital seguen obrigados a declarar, mentres que os desempregados quedan exentos.
A Axencia Tributaria tamén implementará un sistema único para corrixir autoliquidacións, substituíndo o actual método de complementarias e solicitudes de rectificación, permitindo modificar declaracións sen esperar resolucións administrativas.
Os mutualistas xubilados deberán estar atentos á modificación normativa que lles permitirá solicitar a devolución do IRPF nun único pago ao longo de 2025, en vez de facelo ano a ano ata 2028.
Ademais, as axudas para damnificados pola DANA estarán exentas de tributación no IRPF, incluídas as indemnizacións do Consorcio de Compensación de Seguros. Tamén se aplicarán reducións fiscais aos autónomos afectados en zonas declaradas de emerxencia.
