Amplo operativo policial contra o tráfico de drogas no barrio ourensán de Covadonga
O dispositivo comezou sobre as 12.00 horas deste mércores cando preto dunha ducia de furgóns, coches e decenas de axentes apoiados polo helicóptero da Policía Nacional blindaron a zona.
Por Europa Press / Redacción | OURENSE | 04/06/2025 | Actualizada ás 15:13
A Policía Nacional ten en marcha un amplo operativo contra o tráfico de substancias estupefacientes no barrio ourensán de Covadonga. O dispositivo comezou sobre as 12.00 horas deste mércores cando preto dunha ducia de furgóns, coches e decenas de axentes apoiados polo helicóptero da Policía Nacional blindaron o barrio ourensán.
O subdelegado do Goberno en Ourense, Eladio Santos, confirmou que é unha operación que comezou hai semanas tras varios procesos de investigación e información. Así, a fase de explotación desta operación relacionada "coa intervención de droga" tivo lugar durante esta xornada. "A operación séguese desenvolvendo nestes momentos e os resultados iniciais confirman os procesos de investigación e información previos de semanas anteriores", indicou Eladio Santos.
