Un incendio calcina o 40% dunha nave industrial de Portas

Os servizos de emerxencias traballan a esta hora na extinción dun incendio nas instalacións dunha nave industrial de fabricación de toldos en Portas, situada na PO-8004.

Segundo informou o 112 Galicia, polo momento non se rexistraron danos persoais, aínda que se se notificou o desprendemento de obxectos da fachada da nave. Os operarios continúan traballando nas tarefas de extinción, pero o lume atópase "controlado".

Os feitos sitúanse pasadas as 11.00 horas da mañá, cando o 112 recibiu varias chamadas de particulares alertando da presenza de lume procedente da nave. A continuación, os operadores do Centro Integrado de Atención ás Emerxencias de Galicia activaron un operativo mobilizando unha ambulancia de urxencias sanitarias, un dispositivo de bombeiros de Ribadumia, así como efectivos da Policía Local e á Garda Civil.

NINGÚN TRABALLADOR NO INTERIOR

Pola súa banda, Protección Civil de Portas confirmou que non se atopaba ningún traballador no interior da fábrica, que ardeu nun 40%. As causas do incendio están a ser investigadas.

Incendio nunha nave de xestión de residuos | Fonte: Bombeiros