Agrede e ameaza cun puñal a un coñecido en Ponteareas e queda en liberdade

A Garda Civil detivo nas últimas horas a un veciño de Ponteareas, de 31 anos de idade e con antecedentes policiais, como presunto autor dun delito de lesións e un de ameazas. Segundo informou a Comandancia de Pontevedra, os feitos ocorreron o pasado martes, cando unha patrulla foi requirida para acudir ao centro de Ponteareas ante unha posible agresión.

Unha vez na zona, os axentes entrevistáronse coa vítima, un home que presentaba unha lesión na cara. Esta persoa relatou que fora agredido por un coñecido seu, que lle propinou unha puñada e lle ameazou cun puñal. O home foi trasladado a un centro sanitario para recibir atención.

A Garda Civil localizou ao presunto agresor na tarde este martes, e procedeu á súa detención. Este mércores foi posto a disposición do xulgado de instrución 3 de Ponteareas, que acordou a súa posta en liberdade (ninguén interesou o seu ingreso en prisión), e quedan pendentes concretar os delitos polos que se lle investiga, xa que hai discrepancias nas versións dadas polas partes, segundo matizaron fontes policiais.

A Garda Civil detén en Ponteareas a un veciño como suposto autor dun delito de lesións e outro de ameazas con arma branca | Fonte: GARDA CIVIL