Feridos os dous ocupantes dun coche tras envorcar na AG-55

Os dous ocupantes dun coche que circulaba pola autovía AG-55, entre A Coruña e Carballo, resultaron feridos na tarde deste venres tras sufrir un envorco á altura do quilómetro 17. Segundo informa o Consorcio Provincial Contraincendios e Salvamento A Coruña, os bombeiros do parque provincial de Arteixo asistiron ao accidente de tráfico ocorrido en sentido Carballo. O 112 informou sobre as 13.45 horas de posibles persoas atrapadas nun coche. Aínda que non foi necesaria a excarceración dos ocupantes ao non estar atrapados, si que tiveron que ser trasladados ao Complexo Hospitalario Universitario da Coruña (Chuac). Os bombeiros procederon á limpeza da vía ao finalizar.

Ambulancia do 061 | Fonte: Urxencias Sanitarias - Arquivo