Nós Diario, GCiencia ou Orgullo Galego entre os premiados do III Fondo de Proxectos Culturais do Reino de Galiza

A Deputación da Coruña fixo públicas o quince propostas gañadoras do III Fondo de Proxectos Culturais do Reino de Galiza, un certame que ten como obxectivo "combater a desmemoria e o esquecemento" do pasado medieval da comunidade a través do apoio a inciativas que "contribúan á súa divulgación e posta en valor".

Segundo informa o organismo provincial, os traballos premiados recibirán 188.515 euros, repartidos en galardóns de entre 10.000 e 20.000, que outorga a área de Cultura, en mans da nacionalista Natividade González. Entre eles, atópanse unha novela gráfica sobre a historia do viño na comunidade galega, un proxecto transmedia de visibilización das raíñas galegas, un podcast medieval e unha mantelería de mesa con motivos do Reino.

OS PROXECTOS

‘Laudatio funebris no Reino da Galiza Da morte,  o pranto e o alén’, de Noente Paradise, que recibirá 20.000 €.

‘As grandes raíñas galegas na historia, de Sermos Galiza (14.515 €).

‘Martiño de Dumio: unha ollada á espiritualidade popular no Reino de Galiza’, de Orgullo Galego (14.000 €).

‘Cómic-novela gráfica sobre a historia do viño en Galiza’, de Santos e Gonta (14.000 €).

‘Iohanes in Eremo’, de Vanesa Trevín Pita (14 000 €).

‘Raíñas de Galicia. Proxecto transmedia de visibilización das protagonistas da nosa historia’, de Ciencia Galega Industrias Creativas (14 000 €).

‘A costa e os castelos’, de Alejandro Gándara Porteiro (14 000 €).

‘Reino de Galicia á escena’, de Alba Bermúdez Iglesias (14 000 €).

‘Rolán, Orlando, Roldan transita polo Reino de Galiza’, de Ignacio Vilariño Sanmartín (10 000 €).

‘Do Reino (e) dos amores proscritos. Un reino esquecido, unha historia por contar’, de José Alberto Rodríguez Bello (10 000 €).

‘A Revolta, un podcast medieval’, de Fernando Rodríguez Gómez (10 000 €).

‘Verdades e mentiras da Gran Revolta Irmandiña’, de CRU Producións (10 000 €).

‘Mantelería individual de mesa para restauración en papel conforme a normativa-Reino da Galiza’, de Alberto Sánchez Regueiro (10 000 €).

‘Personaxes no mapa do Reino,’ de Suseia (10 000 €).

‘Códice feminino’, de María Rúa (10 000 €).