A Xunta pasará de 57 a 71 os lotes de transporte escolar no próximo curso
Destinará 95 millóns a este servizo.
Por Europa Press / Redacción | SANTIAGO DE COMPOSTELA | 30/06/2025 | Actualizada ás 14:58
O Consello da Xunta acordou licitar este luns por 95 millóns o servizo de transporte escolar exclusivo para os próximos dous anos, que pasará de 57 a 71 lotes. Diso informou este luns o presidente do Goberno galego, Alfonso Rueda, quen explicou que se incrementa un 12% a contía para o transporte escolar gratuíto que utilizan a diario máis de 42.000 alumnos.
Alfonso Rueda sinalou que as empresas asociadas deberán contar, como mínimo, con 1.250 vehículos para garantir o funcionamento das ao redor de 1.500 rutas escolares que existen. "Entre o que supón este transporte exclusivo, o transporte integrado, no que tamén se desprazan escolares, Galicia inviste cada ano, cada curso, 80 millóns de euros", destacou o titular do Goberno galego.
