Sumar impulsa unha axencia anticorrupción porque o PSOE "segue en shock"

Sumar vai impulsar no Congreso a creación dunha Oficina Anticorrupción e vai levar ao Consello de Ministros a retribución do permiso parental "para empuxar a axenda e un xiro" no Goberno "ante a parálise do PSOE", que "segue en shock" tras o informe da UCO que sinalou á súa 'exnúmero tres' Santos Cerdán polo presunto cobro de mordidas por adxudicación de obra pública.

Fontes de Sumar detallaron que este é un esforzo por "tomar a iniciativa" a través das súas competencias e da acción parlamentaria e política co fin de "garantir que as medidas que se trasladaron no seo do Goberno se cumopran", actuando para "garantir ese reseteo en clave social da lexislatura" e para "combater a corrupción veña de onde veña" e para a súa prevención.

"É o primeiro paso para facer efectivo o reseteo da lexislatura tendo en conta que o PSOE segue en shock. A parálise e a maquillaxe non son unha opción", sinalaron esas mesmas fontes, que instan os socialistas a "empezar a asumir a gravidade do escenario" e "tomarse en serio unha axenda de goberno ambiciosa" en clave de loita contra a corrupción e de axenda social.

En concreto, Sumar levará a votación ao Pleno do Congreso como proposición de lei a creación dunha Axencia Anticorrupción. O socio minotario do Executivo defendeu que esta é "unha das principais medidas", ademais dunha recomendación internacional "á que o PSOE segue facendo oídos xordos".

O ministro de Cultura, Ernest Urtasun, ofrece declaracións aos medios tras a reunión de seguimento do pacto do Goberno de coalición entre PSOE e Sumar | Fonte: Eduardo Parra - Europa Press