Deteñen a un veciño de Poio de 26 anos por desfeitas nun local de apostas

A Garda Civil de Pontevedra detivo a un home de 26 anos, con antecedentes policiais e veciño da localidade, por un suposto delito de danos nun local de apostas. Segundo detallan nun comunicado, o pasado domingo, recibiuse un aviso de que unha persoa estaba a romper cunha cadeira cinco pantallas dunha máquina de apostas situadas nun establecemento dun coñecido centro comercial de Poio.

Unha vez alí foi identificado e detido por un presunto delito de danos, estimándose os mesmos nuns 15.000 euros. Esta mañá pasou a disposición xudicial no Xulgado de Garda de Pontevedra, que decretou a súa liberdade con cargos.

Imaxe dun coche da Policía Local de Redondela.. POLICÍA LOCAL DE REDONDELA