Besteiro reclama a gratuidade da AP-9: "Cremos que neste momento é posible"
O secretario xeral do PSdeG sinala que a medida é posible e critica a postura "incomprensible" doutros partidos.
Por Europa Press / Redacción | Santiago de Compostela | 20/09/2025 | Actualizada ás 15:20
O secretario xeral do PSdeG, José Ramón Gómez Besteiro, reclamou este sábado a gratuidade da AP-9 porque, tal e como sinalou, os socialistas cren "que neste momento é posible". Unha postura que comparou cunhas posicións "absolutamente incomprensibles e que non queren facer nin o mínimo esforzo de lembrar como xurdiu unha autoestrada cunhas peaxes brutais".
"Gratuidade xa porque é posible, porque cremos que se debe facer e, sobre todo, porque o demais é enredar. Nós queremos coller o atallo de chegar á gratuidade, con ese 100% fora de peaxes desde Ferrol ata Tui", esgrimiu ante as preguntas dos medios.
Así se pronunciou o líder dos socialistas galegos este sábado na súa visita ao encontro de emprendimiento Pont-Up Store en Pontevedra, onde tamén ha traslado o seu "apoio e ánimo" aos veciños de Pantón e do Bolo ante os incendios que están a sufrir. Neste contexto, Besteiro confiou en que "se supere rapidamente esta situación que Galicia leva sufrindo desde fai máis dun mes cunha vaga de lumes sen precedentes".
