Achan falecido ao veciño de Sada de 73 anos que faltaba do seu domicilio desde o venres

O home de 73 anos desaparecido no municipio coruñés de Sada desde a tarde do venres foi localizado falecido, segundo informaron desde a Garda Civil e o Consistorio. Foi tras un operativo con participación de medios terrestres e aéreos e con implicación da Garda Civil, a Policía Local, persoal do Servizo de Emerxencias Municipal e os equipos de emerxencias doutros consitorios, así como veciños. Foi un familiar o que interpuxo unha denuncia no posto da Garda Civil de Oleiros tras desaparecer o home, Celso Pérez Regueiro, que sufría principios de Alzheimer ou algunha outra enfermidade dexenerativa, precisaron nese momento.

Celso Pérez Regueiro, veciño de Sada desaparecido e achado morto | Fonte: CONCELLO DE SADA