O galego tamén se usará para a narración de partidos da Selección Española en RTVE
Segundo informou RTVE nun comunicado, a transmisión ofrecerá a opción de escoller a lingua galega mediante a segunda pista de audio dos televisores ou ben manter a primeira coa narración en castelán.
Por E.P. | SANTIAGO DE COMPOSTELA | 10/10/2025 | Actualizada ás 14:55
RTVE ofrecerá por primeira vez na historia a narración en galego dos partidos da Selección Española o sábado e o martes ante Xeorxia e Bulgaria, respectivamente.
Segundo informou RTVE nun comunicado, a transmisión ofrecerá a opción de escoller a lingua galega mediante a segunda pista de audio dos televisores ou ben manter a primeira coa narración en castelán.
A narración correrá a cargo de Carlos Jiménez, habitual narrador de grandes eventos para RNE, e Enrique Morais, redactor de deportes de RTVE en Vigo e as achegas técnicas de Manel Fernández Anidos, exfutbolista internacional da sub-21 para España, que xogou no Celta e no Racing de Ferrol.
O España-Xeorxia que se xogará este sábado, día 11, ás 20.45 horas no Martínez Valero de Elxe, e o España-Bulgaria, o vindeiro martes, 14 de outubro, en Valladolid tamén ás 20.45 horas.
O encontro do martes 14 tamén se poderá seguir pola 2Cat, que comeza as súas emisións o luns 13 e volverá emitir os partidos da Selección Española e a Copa do Rei en catalán. David Figueira e Chapi Ferrer porán as súas voces nas retransmisións.
