Dous feridos tras caer co tractor por un desnivel en Vilardevós (Ourense)
Un accidente de tractor rexistrado este xoves no concello ourensano de Vilardevós deixou dúas persoas feridas, segundo informa o 112, no lugar de Arzoá, na parroquia de Berrande, en Vilardevós (Ourense).
SANTIAGO DE COMPOSTELA | 06/10/2016 | Actualizada ás 19:58 por EUROPA PRESS
Un accidente de tractor rexistrado este xoves no concello ourensano de Vilardevós deixou dúas persoas feridas, segundo informa o 112, no lugar de Arzoá, na parroquia de Berrande, en Vilardevós (Ourense).
Un particular informou ao 112 de que o tractor caera por un desnivel mentres estaba a traballar nunha montaña. Os seus dous ocupantes resultaron feridos.
O 112 recibiu a alerta ás 14,00 horas e os seus profesionais alertaron a Urxencias Médicas, aos bombeiros de Verín, a Protección Civil e á Garda Civil.
Os efectivos sanitarios mobilizaron o helicóptero medicalizado con base en Ourense, aínda que finalmente os dous feridos foron trasladados en ambulancia a un centro sanitario.
