O Grupo Hotusa, do chantadino Amancio López, abre o seu segundo hotel en Budapest (Hungría)

A área hoteleira do grupo Hotusa anunciou a apertura do seu segundo hotel en Budapest (Hungría), o Exe Danube Budapest 4 estrelas, co que prosegue cos seus plans de expansión internacional.

Segundo explicou o grupo este mércores nun comunicado, durante 2016 a compañía abriu 23 hoteis -11 dos cales en destinos internacionais de Europa, África e Asia-, cos que suma un total de 166 establecementos.

Para o presidente do Grupo Hotusa, Amancio López, natural de Chantada (Lugo), "2016 foi un ano marca" para a empresa en canto ao número de novos hoteis, o que ao seu parecer consolida a súa aposta para internacionalizar o seu modelo de negocio en tantos países como sexa posible.