Temas: EN MAREA YOLANDA DíAZ BEIRAS

Beiras advirte a Yolanda Díaz que “non está lexitimada para criticar”

Recoméndalle "revisar cal foi o seu comportamento en En Marea". Considera, ademais, que se en 2012 o BNG chega a integrarse no que foi AGE "seguramente Feijóo perdería as eleccións".

Por E.P. | SANTIAGO DE COMPOSTELA | 26/04/2017 | Actualizada ás 18:56

O histórico nacionalista Xosé Manuel Beiras, membro da coordinadora de Anova e integrante do Consello de En Marea, advertiu a Yolanda Díaz, deputada no Congreso, que "non está lexitimada para criticar" e recomendoulle "revisar cal foi o seu comportamento na formación" do partido instrumental e na mesa de coordinación nas Cortes.

Nunha entrevista na Radio Galega, un día despois de que Díaz anunciase que deixará a coordinación de Esquerda Unida e reprobase falta de inclusión na Coordinadora de En Marea, Beiras avogou por facer autocrítica nun contexto no que "ninguén" o fai noutras formacións e iso "úsase" contra eles, ao seu xuízo, para enchelos "de merda".

Como exemplo puxo o goberno de Compostela Aberta en Santiago, con Martiño Noriega á fronte da Alcaldía. Para Beiras, se os novos procesos políticos están a ser traumáticos é "porque están a ser acosados por todas partes".

Ao seu xuízo, así, os conflitos internos que vive En Marea son propios dunha formación "aínda en xestación". Neste sentido, sinalou dous dilemas: decidir "se é unha nova expresión de unidade popular e non de coalición de partidos, e se vai ser un suxeito político galego".

Neste sentido, considerou que existe un conflito de intereses coa visión centralista de Podemos, xa que, na súa opinión, "o único que ten unha idea clara respecto da liberdade de decisión dos pobos é Pablo Iglesias". Con todo, matizou que "entre os actuais dirixentes, algún e algunha máis".

OUTROS ASUNTOS

Sobre outros asuntos, Beiras apuntou á postura do BNG respecto de posibles coalicións: "Se en 2012 chega a integrarse no que foi AGE, chamásese así ou doutra forma, seguramente Feijóo perdería as eleccións", especulou.

En canto aos casos de corrupción, lembrou que a maior parte do Goberno de Aznar está investigado e foi máis aló ao afirmar que "se un político se presentase ás eleccións cun programa e logo fai o contrario", iso, para el, "tamén é corrupción".

Temas: EN MAREA YOLANDA DíAZ BEIRAS

17 Casares Quiroga existiu

María Pita dixo hai 436 anos "Quen teña honra, que me siga!". Quen queira formar un novo Goberno, que siga o exemplo de Beiras e avante.

16 casaresquirogadousmilvintecinc

Beiras sería Presidente de Galicia en 2001 se non o apartaran da dirección do BNG e buscou sempre a unión dos progresistas. María Pita, hai 436 anos, dixo "Quen teña honra, que me siga!". Quen queira formar un segundo Goberno progresista, que siga o exemplo de Beiras e avante!

15 Hierro Homón

Desde o de Galiza Non Se Vende...es un vello Traidor!! Lárgate pa casa, refórmate!! Tes moitas que pagar.Fracasaches, nunca gobernarás nin te queremos xa.Vendido a Madrid!! Traidor!!

14 nostrus

Beiras é un dos personaxes mais grasentos da politica española, toda a sua vida a adicou a incordiar e a dar a nota e nunca foi cpaz de ter un cargo no que demostrar a sua presunta sabeduria. Personaxe amargado que só ten cabida no manicomio nacionático onde parasitou sempre, demostrou ser un demócrata sen vocacion que é capaz de pegarse un tiro nun pe con tal de facer daño ao resto.¡Puaggg!

1 Ana

Estupendo Nostrus, pouco coincido na ideoloxía con Beiras, nada nas formas, agora ben, as cousas claras: a sabedoría e a obra do Beiras son valoradas e públicas ( https://gl.m.wikipedia.org/wiki/Xosé_Manuel_Beiras ). Rétote a ti, que ousas criticar e mesmo desprezar ao Beiras con argumentos de taberna ou da caverna, a que amoses en público o teu currículo. Adiante Nostrus, sae do armario e con valentía deixa que admiremos o teu talento e o teu aporte á humanidade.

2 nostrus

Ana, ¿acaso dixen eu algunha falsedade ao afirmar que Beiras nunca pudo demostrar nun cargo a sua presunta sabeduria?. Pois enton tamen admiraras a Fraga que lle daba mil voltas a este presunto fanático. Si Beiras ten tanta sabeduria, enton demostra que é un falsario, porque moitas das cousas que predica son falsas ou irrealizables; ou ao mellor pensa que os galegos somos parvos e nos meten o dedo nun ollo. Lévao para a casa.

3 Ana

Nostrus, aprende a ler, nunca fun fan do Beiras, logo non me interesa na casa. O teu adorado Fraga era fascista, polo tanto medrou e fixo carreira no poder ditatorial (méritos tristes os que ti defendes). O que os provocadores fascistas clasifiquedes como falso ou irrealizable non deixa de ser outra opinión de parte. Foi Fraga quen dixo que aos galegos "conquísto con una ración de pulpo" (textual), logo o que pensa de nós non precisa comentarios. Se un aprendiz de mecánico critica a un enxeñeiro pouca validez ofrece a discrepancia, admiro a túa cobardía, segue escondéndote, canto medo Nostrus (moi valente no anonimato).

4 nostrus

Ana, certo que Fraga foi un fascista, pero falábamos de capacidade, non de amor a democracia e si admiras a Beiras pola sua intelixencia, tamén deberias admirar a Fraga pola sua. Eu creo que tanto Fraga como Beiras se acomodaron a democracia sin vocacion, a Fraga superarono os acontecementos e a Beiras quedaronlle cortos. Fraga medrou na ditadura e non pudo evitar que chegara a democracia e Beiras loitou contra a ditadura, pero para poñer outra que non se diu posto. Para ti os dous si os queres.

5 Casares Quiroga existiu

Nostrus, non lle deixaron ter o cargo. Tes entrevistas, ensaios, traducións, enciclopedia virtual, se queres desmontar a súa presunción de saber. Beiras non propuxo ningunha ditadura, pola contra, recordou que existe a democracia directa cando as institucións fallan. Para amargado e graxento, deberías aplicarte o conto e documentarte ou informarte un anaco antes de sacar a lingua a pacer.

13 Mateo esta vez sen morral

Toc toc! alguén de por aí ten interese real nos problemas do pais? Ou necesitaredes outros oitenta anos de xubiletas para ter claro cos vosos problemas nos interesan un "pemento"