Caballero: "Vai gañar Susana e vai perder o PP e Podemos"
O alcalde de Vigo, o socialista Abel Caballero, reiterou este domingo, tras votar na sede local do PSOE no marco do proceso de primarias do partido, que a presidenta da Xunta de Andalucía e candidata á Secretaría Xeral, Susana Díaz, é "a mellor candidata para o PSOE e para España".
- Acusan ao PSOE de Pontevedra de pagar os buses de Susana Díaz
- Leiceaga sobre as primarias do PSOE: "Non vai haber unha vara máxica que elimine as visións internas"
- Pilar Cancela, afín a Pedro Sánchez, confía en que "todo o mundo" estea "detrás" do vencedor das primarias do PSOE
Por E.P. | SANTIAGO DE COMPOSTELA | 21/05/2017 | Actualizada ás 15:02
"Votei a Susana", revelou aos medios o rexedor socialista, quen xa manifestou en numerosas ocasións o seu apoio á andaluza, para logo engadir que é a candidata que "non queren nin o Partido Popular nin Podemos".
"O meu voto, eu quéroo interpretar, é o voto á mellor candidata e, gañando Susana, vai gañar o PSOE e España, e van perder o Partido Popular e Podemos", remarcou o socialista, xusto antes de asegurar que, "a partir de hoxe e mañá", o PSOE estará "xa" no proceso de "funcionamento": "Para conseguir, confío que con Susana, o impulso que necesita este país e o PSOE".
Preguntado pola posibilidade de que a andaluza non gañe as primarias, nas que compite xunto co exsecretario xeral Pedro Sánchez e o exlehendakari Patxi López, Caballero asegurou que "vai gañar".
