Por Xurxo Salgado | | 07/06/2010 | Actualizada ás 21:57
Un dos aspectos máis sorprendentes da promoción do Xacobeo 2010 é a ausencia dunha mascota. Malia gran cantidade de cartos destinados pola Xunta a publicitar o evento, o Goberno nin creou mascota nin rescatou ao famoso Pelegrín, como si fixo co anterior logotipo.
Hoxe a Igrexa Católica aproveitase deste baleiro e presenta a Xubi. Trátase dunha iniciativa da “Ad Sanctum Iacobum Peregrinatio”, fundación baseada no convento de San Martín Pinario e creada en xuño do ano pasado. A Igrexa presenta a Xubi como mascota “oficial” do evento, mais polo de agora semella non ter o apoio oficial da S.A. de Xestión do Plan Xacobeo da Xunta de Galicia.
Xubi é un deseño do estudo de Alberte Permy, Permuy Asociados, responsábeis tamén do logo do Ano Santo. O deseñador explicou que se traba dunha mestura entre unha cabaza e un bastón para camiñar.
A mascota xa dispón da súa propia páxina web, só en castelán.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.