Por Galicia Confidencial | Coristanco | 22/08/2017 | Actualizada ás 13:43
A moción de censura en Coristanco segue aínda no aire. A pesar de que a dirección socialista se posicionou en contra desta iniciativa, o único edil socialista no concello, Abraham Gerpe, recoñeceu que a cousa está na mesma situación. “Terá que decidir a militancia local, que foron os que mandaron facela”, indicou este luns.
Por iso, o actual alcalde, Amancio Lavandeira, de Terra Galega (TeGa), pedíu tamén este luns que se aclare “dunha vez” a situación. “Para min é escandaloso que o PP siga sen dicir nada. Como explican ante a súa militancia o interese de que 6 concelleiros do PP entreguen a alcaldía a un só edil do PSOE?”, pregúntase Lavandeira que indicou que “a moción se fixo de costas á organización do PP, que se enterou pola prensa”.
O propio alcalde recoñeceu que dirirxentes do PSdeG provincial garantizaronlle que van instar a Abraham Gerpe a que retire a moción. “Do contrario emitirán un novo comunicado, deixándoo fóra do PsdG, dixéronme”. Deste xeito, sería imposible a moción, tendo en conta a nova lei de partidos.
Lavandeira criticou os argumentos dados pola oposición que esgrimiu unha “situación de parálise e desgoberno” de Coristanco para apoiar esta moción e dixo que “é unha aprezación falsa”, mentres sacou peito polos datos económicos municipais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.