O lume afectou os petróglifos da Laxe dos Bolos, unha das maiores inscricións rupestres de Galicia
Vídeo que mostra esta zona do monte Xiabre, en Caldas de Reis, calcinada pola vaga de lumes que asolaron Galicia en pleno mes de outubro.
- Así quedou a fervenza de Fridauga, totalmente arrasada polo lume
- O lume tamén queima o patrimonio galego
Por Galicia Confidencial | Caldas de Reis | 20/10/2017 | Actualizada ás 12:28
A vaga de lumes que asolou Galicia esta semana tamén afectou a unha importante parte do noso patrimonio. Así é o caso dos petroglifos da Laxe dos Bolos, no monte Xiabre, en Caldas de Reis.
Este conxunto está considerado unha das maiores inscricións rupestres de Galicia, pertencentes ao Calcolítico - Idade de Bronce (III-II milenio a.C.). Estes petróglifos son deseños de tipo esquemático e xeométrico: representacións zoomorfas, pegadas, cazoletas, combinacións circulares con e sen apéndice radial, motivos cuadrangulares con divisións internas, e outras variantes. Atópanse próximos á fervenza de Fridauga, tamén calcinada polo incendio que afecou o monte Xiabre o pasado domingo.
Neste vídeo enviado a GC obsérvase a pegada do lume na zona na que se atopan estes petróglifos.
