A última guerra de Cacharro
O presidente da Deputación de Lugo, Francisco Cacharro, está disposto a manter o pulso coa dirección do PP ata o final. Xa se contou aquí que a tensión entre el e o presidente provincial e vicepresidente do partido, Xosé Manuel Barreiro, van en aumento...
Por Galicia Confidencial | Galicia | 18/04/2006 | Actualizada ás 21:59
E é aí onde o presidente da deputación quere dar guerra. Non lle está gustando que tanto Barreiro coma o presidente do PPdeG, Alberto Núñez Feijoo, impoñan os candidatos, tal e como pretenden en Lugo capital con Joaquín García Díaz e noutros concellos importantes coma Viveiro, Monforte ou Ribadeo.
Por iso a súa teima de convocar un congreso provincial, ó que a dirección se nega. Cacharro lembra que, precisamente, o sucesor de Manuel Fraga, saiu dun congreso aberto, e non por imposición do partido. Pretende, con ese argumento, desestabilizar a estratexa de Núñez Feijoo.
No seu entorno están convencidos que pugna que mantén podeo beneficiar, porque, debido á proximidade das eleccións, a dirección popular estudia dar marcha atrás e pactar certos candidatos co varón lugués. En Santiago as opinións son completamente diferentes. Aseguran que Cacharro está protagonizando as "últimas pataletas" da súa carreira política.
