VIGO | 27/12/2017 | Actualizada ás 17:40 por EUROPA PRESS
A Sala do Contencioso Administrativo do Tribunal Superior de Xustiza de Galicia (TSXG) desestimou o recurso presentado pola Asociación Empresarial de Industriais e Comerciantes das Travesas (AETRAVI) contra a resolución da Xunta que aprobaba a proposta do Concello de Vigo para declarar na cidade dúas zonas de gran afluencia turística.
A Consellería de Economía, Emprego e Industria deu o visto e prace á proposta aprobada polo pleno municipal de Vigo, de declarar zonas de gran afluencia turística o centro histórico de Bouzas e o casco vello e algunhas rúas do centro da cidade, o que implica que os establecementos comerciais teñen liberdade para abrir até as 22,00 horas todos os días do ano.
AETRAVI presentou un recurso no que expresaba o seu rexeitamento a que esa liberdade horaria implantásese durante todo o ano, e alegaba que non estaba motivada esa apertura comercial, á vez que propuña que se ciñese ao período comprendido entre o 15 de xuño e o 15 de setembro.
No entanto, o alto tribunal galego sinalou, na súa sentenza, que non debe motivarse a liberdade horaria durante todo o ano se non, en todo caso, se esta fose restrinxida temporal ou territorialmente. Ademais, apoia os argumentos que xustifican a declaración desas dúas áreas como zonas de gran afluencia turística (en base ao número de pernoctacións na cidade, á existencia de turismo comercial, proximidade de área portuaria, ou celebración de grandes eventos deportivos).
Por iso, o TSXG desestimou o recurso e impuxo á asociación demandante o pago das costas procesuais, que fixou en 1.500 euros. Contra esta resolución cabe recurso de casación ante o Tribunal Supremo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.