Ser galego pode ser un problema para seguir en GH

As redes sociais ferven coas declaracións sobre o galego da coruñesa Marta López. Xa hai quen propón que marche do país. Anxo Lorenzo critica os tópicos da concursante.

Os guapos non poden falar galego

Por Galicia Confidencial | Santiago | 15/02/2011 | Actualizada ás 18:08

Poucas sabían das andainas dunha tal Marta López polas pantallas televisivas. Nada que ver con Israel, o primeiro galego de Gran Hermano e que, anos despois, foi fichado por Xosé Manuel Piñeiro na TVG como reporteiro de rúa. Tamén pasaron por Gran Hermano un galego-senegalés, Andalla, que foi expulsado pola audiencia, como dixo el mesmo, "por ser extranjero" ou Paula, famosa polo seu carácter e por posar medio espida en Interviu. Houbo máis, pero xa sen tanta sona...ata que chegou Marta López, que curiosamente, comparte escenario con outro vigués, Yago Hermida, ex da tamén televisiva Yolanda Berrocal.

Marta entrou na casa de Gran Hermano para amosar a "imperiosa necesidad de demostrarle al mundo que no todas las mujeres somos iguales". A rapaza, de 25 anos, dependenta, presentouse con moito aquel no programa. "Hago lo que quiero y perreo con quien quiero, como quiero y cuando quiero" e que lle gustaba botar "un poco de picante a la vida". Un picante que saltou en forma de galego.

"Fóra de Galicia"

E é que as súas declaracións no programa asegurando que "le da el bajón" cando un mozo lle fala en galego fixeron que non sexa unha muller "igual" en Galicia.

No Facebook xa hai un grupo que pide que marche "fóra de Galicia" por "petarda". A páxina abriuse este luns e un día despois xa ten case 1.400 persoas. Galegos e non galegos de todas partes do mundo critican, en galego e en español, as súas palabras e piden que, aínda que sexa paisana, hai que botala fora do programa. Por iso, xa hai quen propón que se fagan chamadas masivas a Gran Hermano para botala da casa.

Tamén no twitter son moitos os comentarios sobre Marta López, que se converteu non dos temas preferidos polos usuarios das redes sociais nos últimos días.

"Reproduce tópicos"

A polémica é tal que ata o propio secretario xeral de Política Lingüística deu a súa opinión. En declaracións a periodistadigital Galicia, Anxo Lorenzo sinala que "reproduce tópicos presentes na sociedade galega, especialmente nunha parte da mocidade urbana da Coruña e Vigo".

"Esta impresión negativa sobre o galego ven de moi atrás, no é dos últimos anos. Desde o século XVIII asociase o galego ao rural e as clases menos acomodadas", aclara.

Noticias relacionadas

Os guapos non poden falar galego

33 lola

A estas alturas da película non debería sorprendernos o pensamento de Marta, é prototípico: “el gallego es de paletos, brutos, ignorantes, social, cultural y económicamente clase baja… o Nacionalistas que, ya se sabe, siendo más cultos son tan obtusos que no razonan, solo nos quieren imponer el gallago…” Son escravos do pensamento único revestido de tintes de modernidade . Sempre os houbo e temo que sempre os haberá, por iso nos vai como nos vai, na lingua e nos restos… Esto explica como persoaxes tan patéticos como Pacos Vazquez , Bonos, E. Aguirres, Gallardones e como non, Fragas etc etc e puntos suspensivos, todo incluido, cheguen ao poder. De todolos xeitos, non deberíamos machacarnos de máis por eso os da Coruña. Mercenarios da política repartense por todo o orbe mundial… Si algún día Marta cae da burra e conquire libertade de pensamento… no pecado levará a penitencia!

32 brigantina

Esta rapaza o que é parba

31 Gamela

E eu que pensaba que GH era un programa residual para abducidos da TV e xentes sen capacidade racional algunha... e mira tí por onde Anxo Lorenzo forma parte dos seus asiduos espectadores...? País !

30 lola

Manolo aburre a un santo... Non entendo como non te ignoran. Tanto me te que sexa un troll ou un cretino... Neste país non cabe un memo máis, para min non existes.