Por E.P. | SANTIAGO DE COMPOSTELA | 12/07/2018 | Actualizada ás 12:03
Adif Alta Velocidade concluíu a escavación en fase de avance (sección superior) do túnel de Cerdedelo (vía dereita), situado no subtramo Portocamba-Cerdedelo, na provincia de Ourense. As obras finalizadas tamén inclúen a escavación das galerías de conexión entre ambos os tubos (vía dereita e vía esquerda), así como a execución completa dos emboquilles e camiños de acceso.
"Este feito supón un novo impulso para completar a conexión ferroviaria en alta velocidade entre Madrid e Galicia", destaca Adif a través dunha nota de prensa. O túnel de Cerdedelo (vía dereita) ten unha lonxitude de 1.654 metros, dos cales 1.574 desenvólvense en mina (baixo terra). Pola súa banda, o túnel de Cerdedelo (vía esquerda) ten unha lonxitude de 1.650 metros, dos cales 1.565 desenvólvense en mina.
O resto de lonxitude de túnel corresponde a tramos de túnel artificial. Este sistema inclúe a escavación da zona que ocupará o túnel, a construción do mesmo ao descuberto, e finalmente a cubrición do túnel construído para obter "a mellor integración ambiental", segundo Adif.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.