Un traballador ferido por un disparo fortuíto dun vixiante nas obras de acceso ferroviario ao porto de Ferrol

Unha persoa que traballa nas obras de acceso ferroviario ao porto exterior de Ferrol resultou ferida por un disparo fortuíto da arma dun vixiante de seguridade que tamén presta os seus servizos na zona.

O impacto, segundo informa o Porto de Ferrol, foi superficial; no entanto, o afectado foi trasladado a centro hospitalario. Os feitos ocorreron ao comezo da mañá deste venres, durante o desenvolvemento ordinario dos traballos. Tanto o ferido como o vixiante de seguridade pertencen a dúas empresas subcontratistas da unión temporal de empresas adxudicataria do proxecto.