Aumenta a 66 o número de denuncias presentadas na polo accidente de O Marisquiño
A investigación do sinistro no que resultaron feridas máis de 400 persoas corre a cargo do xulgado de instrución número 3 de Vigo
Por E.P. | VIGO | 21/08/2018 | Actualizada ás 14:24
O número de denuncias presentadas na Comisaría de Vigo con motivo do derrube de parte dun peirao durante a celebración do concerto de peche do festival O Marisquiño, supera xa as 60, segundo confirmaron este martes fontes policiais. En concreto, na Comisaría viguesa presentáronse 66 denuncias, ás que hai que sumar as que se están rexistrando nos xulgados de Vigo.
A investigación deste sinistro, no que resultaron feridas máis de 400 persoas, corre a cargo do xulgado de instrución número 3 de Vigo, e a causa séguese, polo momento, polo suposto delito de lesións imprudentes. A maxistrada decidiu, para axilizar a tramitación da causa, abrir pezas separadas por cada un dos afectados.
Por orde do xulgado xa se iniciaron as primeiras dilixencias periciais, a cargo de expertos da Policía, que elaboran informes sobre a situación do peirao sinistrado, así como unha reconstrución do derrube. Así mesmo, a empresa organizadora do Marisquiño xa depositou en sede xudicial o Plan de Autoprotección do evento.
